Swyddog refeniw

Rhagarweiniad
Mae swyddogion refeniw yn gyfrifol am weinyddu, casglu ac adennill atebolrwydd Treth y Cyngor mewn Awdurdod Lleol. Rôl gweinyddwr ariannol yw hon yn ei hanfod.

Amgylchedd Gwaith
Ar y cyfan, caiff y gwaith hwn ei wneud o swyddfa ond efallai y bydd hefyd yn cynnwys ymweld â'r cyhoedd yn rheolaidd mewn perthynas â materion penodol yn ymwneud ag asesu a chasglu Treth y Cyngor.

Gweithgareddau o Ddydd i Ddydd
Gall y rôl gwmpasu ystod eang o gyfrifoldebau ac mae'n cynnwys elfennau fel gostyngiadau, biliau, casglu ac adennill ac efallai y bydd yn cynnwys cyfrifoldeb am y camau cyfreithiol angenrheidiol hefyd (h.y. gorchmynion atebolrwydd, gorchmynion traddodi ac ati) drwy Lysoedd yr Ynadon gan gynnwys camau gweithredu a ddefnyddir gan feiliaid. Mae angen hefyd i swyddogion ddehongli ar ran dyledwyr a rhoi cyngor iddynt, atodi gorchmynion enillion, ac ymdrin â gohebiaeth ac ymholiadau cyffredinol gan y cyhoedd.

Sgiliau a Diddordebau
Mae angen i swyddogion refeniw allu dehongli gwybodaeth gymhleth a meddu ar ddealltwriaeth drylwyr am ofynion dealltwriaeth mewn perthynas â Threth y Cyngor. Byddai profiad blaenorol o weithio ym maes cyllid cyhoeddus o fantais arbennig. Mae'r swydd yn cynnwys defnyddio systemau TG a phecynnau meddalwedd amrywiol, ac felly, mae angen i ymgeiswyr fod yn hyddysg mewn cyfrifiadura a meddu ar sgiliau bysellfwrdd da. Mae angen sgiliau cyfathrebu ac ymagwedd dda at ofal cwsmeriaid hefyd.

Gofynion Mynediad
Gan fod y rôl yn ymwneud â gweinyddiaeth yn bennaf, mae cymwysterau perthnasol yn cynnwys cymwysterau gan y Sefydliad Ardrethu a Phrisio Refeniw neu BTEC/BTEC Uwch mewn Gweinyddiaeth Gyhoeddus neu Gyllid neu'r Lefel NVQ gyfwerth.  Felly bydd angen i chi fodloni'r gofynion mynediad i gael eich derbyn i'r cyrsiau astudio uchod yn ogystal â meddu ar wybodaeth gyfredol am Dreth y Cyngor ac Ardrethi Busnes.

Posibiliadau a chyfleoedd yn y dyfodol
Mae swyddi rheoli ar gael yn y maes gwaith hwn ac mae cyfleoedd i arbenigo mewn agweddau penodol ar y gwaith e.e. apeliadau a gwaith llys.

Rhagor o Wybodaeth a Gwasanaethau
Cyllid a Thollau EM www.hmrc.gov.uk
Y Sefydliad Refeniw, Ardrethu a Phrisio Refeniw www.irrv.net
Cymdeithas Rheoli Cyllid www.revenuemanagement.org.uk
Y Gymdeithas Cyllid www.revenuesociety.org.uk

Mae modd cael rhagor o wybodaeth am y maes hwn trwy wefan Gyrfaoedd Cymru (www.careerswales.com/), y llyfrgell leol, swyddfa gyrfaoedd eich bro neu lyfrgell eich ysgol.

Related Links