Cyflwyniad
Heddiw, mae'r awdurdodau lleol yn benderfynol o ddarparu math o
wasanaeth y mae unigolion yn teimlo y maent yn ei haeddu fel
trethdalwyr y cyngor. Er mwyn cyflawni hyn, mae'r cynghorau
yn annog mwy o ymgysylltiad a chyfranogaeth y cyhoedd.
Mae Swyddog Gwasanaethau Democrataidd yng nghanol yr ymgyrch hwn ac
mae'r swydd yn un sydd ym mhob math o awdurdodau. Pan na fydd
swydd benodol, bydd swyddogaethau tebyg yn cael eu cyflawni er mwyn
ceisio sicrhau fod y cyngor yn rhoi gwerth am arian i'r
cyhoedd.
Amgylchedd y Gwaith
Yn bennaf bydd mewn swyddfa, ond fel aelod o bwyllgor, bydd yn
rhaid mynychu cyfarfodydd mewnol ac allanol. Mae disgwyl i'r
swyddogion fynychu cyfarfodydd cyhoeddus megis fforymau canol y
dref, cyfarfodydd bwrdd partneriaid a phwyllgorau eraill.
Mae'r Awdurdodau Lleol yn ystyried y swydd yn debyg i swyddog
pwyllgorau ond gyda mwy o ddyletswyddau a dylanwad.
Gweithgareddau Dyddiol
Prif bwrpas y swydd yw darparu cymorth gweinyddol a rheoli i
Rheolwr Gwasanaethau Democrataidd sydd â'r pŵer i sicrhau fod y
cyngor yn gweithredu mewn dull agored ac atebol. Ystyr hyn yw
cynghori pwyllgorau'r cyngor a gweithgorau am weithdrefnau cywir,
deddfwriaeth berthnasol a dehongli rheolau sefydlog - beth y gellir
ei wneud a'r hyn na ellir ei wneud - gan eu hysbysu am y
penderfyniadau a wnaed a'r gweithredoedd i'w dilyn. Mae cryn
dipyn o waith pwyllgorau a thrafodaethau 'gwleidyddol' gyda
chyfrifoldeb i drefnu cyfarfodydd, addysgu swyddogion, aelodau a
chyrff allanol beth y mae'n ei olygu i redeg system llywodraeth
leol ddemocrataidd. Bydd hyn yn cynnwys gweithio gyda
rheolwyr canol trefi sydd â chyswllt agos gyda'r cyhoedd ac yn
delio â'r cwynion yn uniongyrchol. Bydd swyddogion yn
gweinyddu cyfarfodydd cyrff lled-gyfreithiol megis rhai sy'n
ystyried apeliadau mynediad at addysg - lle bo pryderon rhieni
ynglŷn â dyraniad ysgolion eu plant neu ysgolion y mae eu plant
wedi'u gwahardd ohonynt yn cael eu hystyried. Mae
Swyddog Gwasanaethau Democrataidd yn rhoi cyngor i'r cyrff hyn yn
unol â'r ddeddfwriaeth berthnasol, gweithdrefnau mewnol a
chyfiawnder naturiol. Yn hyn, mae dyletswyddau penodol
eraill, sy'n cynnwys:
- datblygu dealltwriaeth fanwl o ddeddf gweinyddol llywodraeth
leol;
- paratoi adroddiadau o ganlyniadau pwyllgorau ar gyfer y Prif
Weithredwr;
- ymchwilio a pharatoi ymatebion i'w harwyddo gan Arweinydd y
Cyngor, y maer ac eraill;
- annog y cyhoedd a'r budd-ddeiliaid i ymgysylltu yn fforymau
canol trefi;
- monitro dealltwriaeth o weithrediad democrataidd yn y
cyngor;
- datblygu dulliau newydd o gynnwys y gymuned;
- cymryd rhan mewn mentrau sy'n gysylltiedig â rheoleiddio ac
effeithlonrwydd perfformiad.
Sgiliau a Diddordeb
Er mwyn llwyddo yn y swydd bydd yn rhaid i chi:
- ddangos brwdfrydedd at ymgysylltiad cyhoeddus wrth wneud
penderfyniadau lleol;
- gweithio'n dda gyda phroses pwyllgorau ffurfiol a gyda grwpiau
partner ehangach gan gynnwys y cyhoedd a budd-ddeiliaid
eraill;
- gweithio mewn tîm;
- sefydlu perthnasau gwaith effeithiol gydag amrywiaeth o
unigolion a grwpiau;
- cyfathrebu yn effeithiol ar lafar ac yn
ysgrifenedig;
- ysbrydoli hyder;
- dadansoddi a gwerthuso'n dda, gan lunio casgliadau rhesymol o
wybodaeth gymhleth;
- defnyddio technoleg newydd;
- arddangos hydwythder a pharhau i fod yn effeithiol mewn amodau
gwaith anodd;
- parchu a hyrwyddo amrywiaeth;
- arddangos ymwybyddiaeth wleidyddol;
- arddangos sgiliau gweinyddu ardderchog;
- gweithio gyda systemau prosesu geiriau ac e-bost.
Gofynion
Isafswm o 2 Lefel A (Gradd A-C) yn hanfodol.
Profiad mewn llywodraeth leol - wrth ddrafftio llythyrau,
adroddiadau, gweinyddu pwyllgorau, gweithgorau - yn hanfodol.
Bydd disgwyl i chi fod yn weinyddwr cyfarfodydd da. Efallai y
bydd gennych gymhwyster ICSA neu gyffelyb.
Mae hyfforddiant cymwysterau a heb gymwysterau yn cael ei ddarparu
yn fewnol a drwy gyrsiau byr allanol.
Rhagolygon a Chyfleoedd
Yn yr hinsawdd economaidd sydd ohoni (sy'n adlewyrchu gofynion
deddfwriaeth yr UE) mae'r cyhoedd yn disgwyl cydnabyddiaeth o'u
hawl ac yn unol â hynny mae goblygiadau cynyddol ar yr
awdurdodau. Mae'r maes hwn o waith yn cynnig nifer o
gyfleoedd ar gyfer dyrchafiad. Mae sgiliau
trosglwyddadwy a gaed o'r rôl hon yn golygu y bydd uwch swyddi yn
llwybr gyrfa ddilys.
Rhagor o Wybodaeth a Gwasanaethau
Sefydliad Siartredig Rheolwyr www.managers.org.uk
Sefydliad Rheolwyr Gweinyddol www.instam.org
Efallai y bydd rhagor o wybodaeth am y maes yma ar gael trwy
Gyrfa Cymru (www.careerswales.com/) neu
yn eich llyfrgell neu'ch swyddfa gyrfaoedd lleol neu'ch ysgol.