Cyflwyniad
Mae swyddogion digwyddiadau/adloniant yn cynllunio, datblygu a
hyrwyddo adloniant a digwyddiadau arbennig, o fewn ardal awdurdod
lleol. Maent yn ceisio darparu rhywbeth i bawb - beth bynnag fo'u
diddordebau neu oedran. Gallai digwyddiadau gynnwys sioeau
theatrig, arddangosfeydd, cyngherddau, cynadleddau, ffeiriau
Nadolig, gwyliau, cyfarfodydd chwaraeon a ffeiriau crefft.
Amgylchedd Gwaith
Mae swyddogion digwyddiadau ac adloniant yn treulio rhywfaint o'u
hamser yn swyddfeydd y cyngor a rhan o'u hamser yn teithio o gwmpas
i ymweld â lleoliadau.
Gweithgareddau dyddiol
Yn aml mae swyddogion digwyddiadau/ adloniant yn gweithio naill o
fewn adrannau gwasanaethau hamdden, marchnata neu dwristiaeth y
cyngor. Fel swyddog ddigwyddiadau, gallai eich dyletswyddau
gynnwys:
- meddwl am syniadau newydd ar gyfer digwyddiadau a chasglu
gwybodaeth ar ddigwyddiadau neu atyniadau mewn rhannau eraill o'r
wlad;
- mynychu cyfarfodydd gyda swyddogion eraill y cyngor i drafod
syniadau a gwneud penderfyniadau ar ba rai i'w dwyn ymlaen;
- troi'r syniadau hynny'n gynlluniau strategol ac, yn y pen draw,
rhaglen o ddigwyddiadau;
- cysylltu gydag awdurdodau cyfagos er mwyn osgoi dyblygu
digwyddiadau;
- gwneud cais am grantiau, arian neu nawdd;
- gwneud penderfyniadau ar sut i ddefnyddio'r arian sydd ar gael
fwyaf effeithiol a monitro cyllidebau'n agos;
- penderfynu ar leoliadau a chysylltu gyda rheolwyr
lleoliadau;
- cydlynu'r holl bobl sy'n ymwneud â rhoi digwyddiad at ei
gilydd;
- archebu artistiaid a pherfformwyr a thrafod eu ffioedd;
- ysgrifennu datganiadau i'r wasg a / neu ddeunyddiau marchnata,
neu gysylltu ag adrannau marchnata;
- delio gyda'r cyfryngau i sicrhau bod digwyddiadau'n cael eu
hyrwyddo'n dda;
- trefnu cyfleoedd am luniau;
- gwerthuso llwyddiant digwyddiadau ac ysgrifennu a chyflwyno
adroddiadau.
Sgiliau a Diddordebau
Rhaid i swyddogion digwyddiadau/ adloniant fod:
- yn drefnus a gallu gweithio i derfynau amser,
- yn gyfathrebwyr da ac yn gallu cyflwyno eu syniadau yn
glir,
- yn gallu trafod,
- yn llawn cymhelliant ac yn frwdfrydig,
- yn dda am gynllunio a threfnu,
- yn defnyddio dychymyg,
- yn gallu ymdopi â sawl tasg ar yr un pryd,
- yn gallu rheoli prosiectau cyfan a chydlynu llawer o bobl.
Gofynion Mynediad
Er nad oes unrhyw ofynion mynediad penodol ar gyfer y swydd hon,
gallai pobl sydd â rhywfaint o brofiad blaenorol o drefnu
digwyddiadau a marchnata ei chael hi'n haws i gael swydd. Mae gan y
rhan fwyaf o newydd-ddyfodiaid radd neu gyfwerth - mae pynciau
defnyddiol yn cynnwys marchnata, gweinyddu'r celfyddydau,
astudiaethau busnes, hamdden a thwristiaeth, a rheoli hamdden.
Gall fod yn bosibl dechrau ar lefel cymhorthydd a mynychu coleg
rhan amser i ennill N/SVQ neu Brentisiaeth yn y Celfyddydau ac
Adloniant neu Dreftadaeth Ddiwylliannol.
Rhagolygon a chyfleoedd y dyfodol
Gan ddibynnu ar faint y cyngor, gall fod yn bosibl symud ymlaen i
swydd reoli. Mae'n bosibl y bydd cyfleoedd hefyd i symud i feysydd
tebyg o waith, megis gweinyddu'r celfyddydau, twristiaeth neu
hamdden a rheoli hamdden.
Mwy o Wybodaeth a Gwasanaethau
Diwydiannau Creadigol a Diwylliannol www.cciskills.org.uk
Athrofa Rheoli Hamdden ac Amwynder www.ilam.co.uk
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.