Cyflwyniad
Yn aml, y cynorthwy-ydd gwasanaeth cwsmeriaid yw'r pwynt cyswllt
cyntaf i bobl sy'n cysylltu â'r cyngor ag ymholiadau a chwynion neu
sy'n ymweld ag adran benodol. Y nod yw sicrhau bod cwsmeriaid
yn cael y wybodaeth a'r cymorth sydd eu hangen arnynt a'u bod yn
gallu defnyddio'r gwasanaeth yn hawdd.
Mae rolau gwasanaeth cwsmeriaid yn y rhan fwyaf o wasanaethau
rheng flaen cyngor lleol. Gall Cynorthwywyr Gwasanaeth
Cwsmeriaid ddarparu cymorth yn y dderbynfa, croesawu, cynghori,
tywys a chyfarwyddo defnyddwyr gwasanaeth i'r gwasanaeth cywir.
Amgylchedd Gwaith
Gall cynorthwy-ydd gwasanaeth cwsmeriaid weithio yn unrhyw un o
sefydliadau'r cyngor, y tu mewn neu'r tu allan. Ymhlith yr
enghreifftiau mae swyddfeydd, cyfleusterau cymunedol, canolfannau
galw, swyddfeydd tai cymunedol, llyfrgelloedd, amgueddfeydd,
parciau a chanolfannau croeso. Efallai bydd angen i chi wisgo gwisg
a fydd yn golygu y gall pobl eich adnabod fel aelod o staff a rhan
o'r tîm gwasanaethau cwsmeriaid. Gallech fod yn gweithio mewn
shifftiau, a allai gynnwys gwaith ar y penwythnos a gwyliau
banc.
Gweithgareddau Dyddiol
Gallai cynorthwywyr gwasanaeth cwsmeriaid fod yn rhan o lawer o
rolau gwahanol: rhyngweithio â'r cyhoedd wrth iddynt ddefnyddio
gwasanaeth, ateb cwestiynau, cymryd archebion neu daliadau, ymdrin
â threfniadau gweinyddu arferol, ymholiadau, cwynion neu gadw
tŷ. Bydd y dyletswyddau'n amrywio'n sylweddol yn
dibynnu ar y rôl, a'r gwasanaeth y mae'r rôl yn rhan ohono.
Sgiliau a Diddordebau
Mae angen i gynorthwywyr gwasanaeth cwsmeriaid:
- allu cyfathrebu'n effeithiol â phobl wahanol,
- bod yn amyneddgar a sylwgar, gan wrando ar gwsmeriaid ac ymdrin
â nhw'n gwrtais,
- bod yn bwyllog a gallu datrys sefyllfaoedd a chwynion a allai
fod yn anodd,
- mwynhau helpu pobl,
- Â diddordeb yn y maes gwaith perthnasol
Gofynion Mynediad
Nid oes unrhyw ofynion mynediad penodol, ond yn dibynnu ar y rôl
gallai fod gofynion yn ymwneud â'r gwasanaeth penodol. Unwaith
y cewch eich cyflogi gallwch weithio tuag at NVQ/SVQ lefelau 2 a 3
mewn Gwasanaeth Cwsmeriaid. Gall Prentisiaethau ac Uwch
Brentisiaethau fod ar gael hefyd.
Cyfleoedd yn y dyfodol
Ceir cyfleoedd am ddyrchafiad yn y maes gwasanaeth cwsmeriaid, o
bosibl gan weithio mewn canolfan gyswllt cyn symud i rolau
goruchwylio a rheoli. Gallai fod cyfleoedd hefyd i symud i
rolau gweinyddu a chymorth busnes.
Rhagor o Wybodaeth a Gwasanaethau
E-skills www.e-skills.com
Ffoniwch y Ganolfan Rheolaeth Cymdeithas www.ccma.org.uk/
Gwybodaeth am brentisiaeth www.apprenticeships.org.uk
Sefydliad Gwasanaeth Cwsmeriaid www.instituteofcustomerservice.com
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.