Croeso

Cyflwyniad
Mae Clerc a Gweithredydd Prosesu Geiriau yn darparu cefnogaeth weinyddol effeithiol ac effeithlon ar gyfer adran.  Mae'r dyletswyddau gweinyddol cyffredinol yn cynnwys teipio, prosesu data, delio ag ymholiadau ffôn, sganio a mynegeio dogfennau.

Amgylchedd Gwaith
Mewn swyddfa y bydd y gwaith yn cael ei wneud yn bennaf.

Gweithgareddau Dyddiol
Bydd union ddyletswyddau Clerc/Gweithredydd Prosesu Geiriau yn amrywio yn ddibynnol ar yr adran y mae'r person yn gweithio ynddi. Gallai'r dyletswyddau gynnwys:

• darparu gwasanaeth clerigol, teipio a phrosesu geiriau i adran; 
• darparu cefnogaeth glerigol, teipio, mewnbynnu data a phrosesu geiriau effeithiol ac effeithlon i gydweithwyr; 
• bod yn gyfarwydd â gweithdrefnau clerigol yr adran a chyfrannu at anghenion y gwasanaeth; 
• sicrhau bod aelodau'r cyhoedd yn derbyn y cyngor a chymorth arbenigol y maent ei angen drwy eu cyfeirio'n gywir i'r Swyddogion priodol o fewn y Cyngor; 
• derbyn arian a thaliadau i gyfrifon priodol ar ran y Cyngor; 
• cydymffurfio â nodau ac amcanion yr adran yn cynnwys gweithdrefnau sicrhau ansawdd neu iechyd a diogelwch sydd mewn grym; 
• prosesu post sy'n dod mewn ac allan; 
• delio gydag ymholiadau ffôn; 
• ffeilio pob cyfathrebiad.

Sgiliau a Diddordebau
Bydd gan Glerc/Gweithredydd Prosesu Geiriau:

• sgiliau datrys problemau; 
• sgiliau gwneud penderfyniadau; 
• sgiliau TG da, yn cynnwys gallu i ddefnyddio pecynnau Windows a Microsoft Office; 
• gallu i deipio a defnyddio Microsoft Word; 
• sgiliau cyfathrebu llafar ac ysgrifenedig gwych; 
• gallu i weithio'n gywir o dan bwysau ac o fewn terfynau amser llym; 
• gallu i ymwneud â phobl ar bob lefel a mynnu parch; 
• profiad o weithio o fewn tîm cefnogaeth weinyddol.

Gofynion Mynediad
Mae'n rhaid bod gan Glerc a'r Gweithredydd Prosesu Geiriau bum TGAU neu gymwysterau cyfatebol ar y Fframwaith Cymwysterau Cenedlaethol.

Cyfleoedd a Rhagolygon ar gyfer y Dyfodol
Bydd gweithio fel Clerc/Gweithredydd Prosesu Geiriau yn rhoi llawer o sgiliau trosglwyddadwy i chi y bydd modd eu defnyddio mewn amrediad o swyddi gweinyddol, a fydd yn caniatáu i chi symud ymlaen o fewn unrhyw sefydliad.

Rhagor o Wybodaeth a Gwasanaethau
Cyngor Gweinyddiaeth www.cfa.uk.com
European Computer Driving Licence www.ecdl.com

Gallwch gael gwybodaeth bellach ar y maes gwaith hwn drwy Gyrfa Cymru (www.gyrfacymru.com) neu yn eich llyfrgell leol, y swyddfa yrfaoedd neu lyfrgell yrfaoedd eich ysgol.