Cyflwyniad
Mae cyfrifiaduron yn chwarae rôl flaenllaw o ran storio ac adalw
data mewn pob adran awdurdodau lleol. Mae technoleg
gwybodaeth yn helpu cynghorau i reoli'r data sydd ei angen arnynt i
ddarparu gwasanaethau'n effeithlon. Gall fod yn wybodaeth am
gynlluniau traffig, safleoedd gwaredu gwastraff, cyfraddau treth
gyngor newydd, risgiau llygredd, budd-daliadau neu geisiadau
cynllunio, er enghraifft.
Mae goruchwylwyr paratoi data'n gweithio fel rhan o'r Tîm
Cynhyrchu Technoleg Gwybodaeth mewn gwasanaethau
corfforaethol. Prif nod y swydd yw mewnbynnu data: Sef
mewnbynnu a dilysu gwybodaeth ar gyfer y brif system.
Amgylchedd Gwaith
Mae'r swydd wedi'i lleoli mewn swyddfa, gan symud rhwng
gwasanaethau amrywiol y cyngor ar gyfer cyfarfodydd ynghylch
prosiectau newydd a phrosiectau parhaus. Gall fod sŵn a
gwaith cario, ond mae'r swydd yn bendant yn cynnwys cyfnodau hir o
eistedd o flaen sgrîn cyfrifiadur.
Gweithgareddau Dyddiol
Mae goruchwylio'r gwaith o baratoi data'n cynnwys gweithio ar
gyfer y swyddog rheoli data a chyda chydweithwyr yn yr adran, megis
technegwyr y we, gweinyddwyr y gronfa ddata, rhaglenwyr systemau ac
eraill mewn swyddi TG, y bydd rhai ohonynt yn rhan o dîm y
goruchwylydd. Y prif dasg yw mewnbynnu a dilysu data'n gywir,
ei drosglwyddo i'r brif system, a bod yn gyfrifol am reoli'r
ddesg. Gall arweinydd tîm dreulio llawer o amser yn mewnbynnu
system rota ar gyfer swyddi, er enghraifft.
Yn ogystal â chysylltu â rheolwyr gwasanaeth amrywiol, bydd y
goruchwylydd paratoi data'n cwrdd ag aelodau o dimau golygu'r we
neu swyddogion adrannau eraill sy'n ymdrin â gwaith dylunio a data
a datblygu'r we. Cyfrifoldeb y goruchwylydd yw darparu
gwybodaeth ar gyfer y gwasanaeth electronig y mae'r cyngor yn ei
ddarparu i'r cyhoedd. Gall pobl sydd am gael rhagor o
wybodaeth am gynlluniau goleuo stryd, budd-daliadau neu swyddi gwag
- fel yr un yma, er enghraifft - gamu i mewn i'r bwth a gwasgu
botwm i weld y data perthnasol. Mae angen data ar gyfer y
Fewnrwyd hefyd, sef system gyfathrebu fewnol y cyngor.
Sgiliau a Diddordebau
I fod yn dda yn y swydd bydd angen y canlynol arnoch:
- y gallu i fod yn fanwl gywir
- y gallu i reoli prosiectau
- sgiliau rhifedd a'r gallu i weithio gyda rhifau a thaflenni
data
- y gallu i feithrin cydberthnasau da gyda phobl o gefndiroedd
gwahanol
- y gallu i ddefnyddio bysellfwrdd i fewnbynnu
gwybodaeth
- y gallu i brosesu geiriau i lunio adroddiadau
Bwysicaf oll, rhaid i chi ddangos y gallu i reoli pobl a rhedeg
tîm yn effeithiol.
Gofynion Mynediad
Gallai profiad perthnasol fod yn bwysicach na chymwysterau
academaidd, ond efallai byddai disgwyl i chi feddu ar gymhwyster
mewn Mathemateg a Saesneg. Rhaid i chi gael sgiliau
bysellfwrdd o'r dechrau. Gallai profiad rheoli blaenorol - o
safle ar y fewnrwyd, er enghraifft - fod yn ddefnyddiol iawn.
Gyda hyfforddiant mewn swydd, gallech symud o fod yn hyfforddai
i mewn i swydd oruchwylio gyda chymwysterau a phrofiad
galwedigaethol pellach. Gallai fod cyfleoedd i weithio tuag
at S/NVQ. Gall prentisiaethau fod ar gael.
Cyfleoedd yn y dyfodol
Mae hwn yn faes gwaith cul, ac mae'r cyfleoedd o gael dyrchafiad
yn fach oherwydd mae mwy a mwy o ddata'n cael ei baratoi
ar-lein. Mae'r cyfleoedd gorau mewn adrannau eraill neu
agweddau eraill ar waith TG lle mae profiad paratoi data'n
berthnasol: e.e. timau rheoli perfformiad, cyllid, y gyflogres ac
AD.
Rhagor o Wybodaeth a Gwasanaethau
Computeach www.computeach.co.uk
Computer Weekly www.computerweekly.com
Computing www.computing.co.uk
Cymdeithas Cyfrifiaduron Prydain www.bcs.org
E-skills UK www.e-skills.com
Gwybodaeth am brentisiaeth www.apprenticeships.org.uk
Institute for the Management of Information Systems www.imis.org.uk
Y Gymdeithas Rheoli TG www.socitm.gov.uk
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/) y
llyfrgell leol, swyddfa gyrfaoedd eich bro neu lyfrgell eich
ysgol.