Cyflwyniad
Dywedodd Cervantes, awdur mawr o Sbaen - " Rwyt yn frenin ar dy
aelwyd dy hun, yn gymaint ag unrhyw frenin ar ei orsedd." Mae lle i
fyw yn un o anghenion sylfaenol bywyd ac mae'r rhan fwyaf ohonom yn
hoffi gwneud ein cartrefi mor gyfforddus ag y bo modd. Ond
nid oes modd i lawer o bobl gyflawni hyn bob amser, fel arfer
oherwydd nad ydyn nhw'n gallu ei fforddio. Helpu'r bobl hyn
yn y tai mwyaf dinod yw'r peth gorau efallai ynglŷn â'r gwaith
mae'r swyddog technegol yn ei wneud; gwella ansawdd tai nad
ydyn nhw'n cyrraedd y safon. Gallai hyn olygu weithiau
defnyddio gweithdrefnau gorfodi o dan ddeddfwriaeth tai i
gyflawni'r canlyniad iawn.
Amgylchedd Gwaith
Y swyddfa yw canolfan y gwaith: cysylltu â chydweithwyr,
cynllunio, ysgrifennu ac astudio adroddiadau. Ond yn aml
mae'n digwydd ar safle, mewn tai amlfeddiannaeth lle mae safonau
diogelwch yn cael eu torri a lle mae gwaith adeiladu gyda baw, sŵn
a thywydd gwael. Mae'r swyddogion yn gwisgo dillad twt a
hetiau diogelwch ond yn cludo gyda nhw, pa un a ydyn nhw'n sefyll
neu ddringo grisiau, tâp digidol, profwr electronig a mesurydd
lleithder. Maen nhw'n gweithio ychydig mwy nag awr yr
wythnos, ond nid yw hyn yn cynnwys oriau gwrthgymdeithasol na
shifftiau.
Gweithgareddau o Ddydd i Ddydd
Mae'r swyddog yn treulio llawer o'r amser yn ymweld â thai lle mae
problemau - a allai olygu gorfod wynebu landlordiaid nad ydyn nhw'n
cydweithredu - yn archwilio gwaith sy'n digwydd neu'n helpu
landlordiaid gyda cheisiadau am grantiau er mwyn i bob cartref
gyflawni'r safonau diogelwch. Mae cyfle hefyd i weithio ar
brosiectau arbennig ar y cyd â swyddogion iechyd yr amgylchedd; er
enghraifft er mwyn sefydlu a gweithredu cynlluniau rheoli gydag
amserlen a dyddiadau cwblhau ar gyfer gwella tai. Mae'r
swyddogion yn dod i gysylltiad bob dydd â gwasanaethau eraill y
cyngor fel tai a'r gwasanaethau cymdeithasol ac amrywiaeth fawr o
gwsmeriaid sy'n gyfle iddyn nhw weithio ar eu liwt eu hunain yn
ogystal â gweithio mewn tîm. Gall y gwaith roi llawer o
foddhad ac mae'n cynnig amrywiaeth o heriau. Yr hyn sy'n dda
yw bod llawer o gleientiaid yn croesawu'r hyn y mae gweithwyr yr
adran dai yn gallu ei wneud i wella cyflwr y tai. Mae pobl
mewn sefyllfa fregus yn dibynnu arnyn nhw i helpu i ddatrys eu
problemau. Maen nhw'n gallu dylanwadu'n sylweddol iawn ar
ansawdd bywyd y gymuned.
Sgiliau a Diddordebau
I wneud y gwaith yn dda byddai'n rhaid i chi fod:
- yn dda efo ffigyrau;
- hyderus;
- medru tynnu ymlaen efo pobl o wahanol gefndiroedd ethnig a
statws cymdeithasol ac addysgol.
Er mai'r elfen sy'n ymwneud â phobl yw'r mwyaf pwysig efallai,
byddai'n gymorth hefyd pe byddai gennych:
- allu ymarferol;
- sylw i fanylion;
- natur ofalgar;
- y gallu i reoli prosiect;
- diddordeb mewn tai.
Gofynion Mynediad
Ar gyfer y swydd hon, neu hyfforddiant ar ei chyfer, byddai arnoch
chi angen, yn nodweddiadol, HND mewn Adeiladu neu gymhwyster agos
iawn ato.
Mae profiad o waith adfer neu efo safonau tai, er enghraifft, yn
ddefnyddiol ac weithiau'n hanfodol. Nid yw datblygiad
proffesiynol parhaus yn ofyn gorfodol.
Rhagolygon a chyfleoedd ar gyfer y
dyfodol
Mae hwn yn faes gwaith cyfyng ac weithiau mae'n rhaid i bobl symud
i adran neu gyngor arall i gael dyrchafiad, neu ennill cymhwyster
uwch, er bod cyfleoedd gwerth chweil i symud 'at yr ochr' sy'n
cynnig mwy o gyfleoedd i ddod ymlaen.
Mwy o Wybodaeth a Gwasanaethau
Y Sefydliad Diogelwch ac Iechyd Galwedigaethol www.iosh.co.uk
Y Sefydliad Adeiladu Siartredig www.ciob.org.uk
Sefydliad Siartredig Iechyd yr Amgylchedd www.cieh.org
Y Sefydliad Tai Siartredig www.cih.org
Sgiliau Asedau www.assetskills.org
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/), y
llyfrgell leol, swyddfa gyrfaoedd eich bro neu lyfrgell eich
ysgol.
Mae Gyrfa Cymru wedi cynhyrchu Sbotolau erthygl ar yrfaoedd mewn
STEM (gwyddoniaeth, technoleg, peirianneg a mathemateg): https://www.careerswales.com/cy/golwg-ar-stem/