Cyflwyniad
Mae bod yn heini ac iach yn golygu mwy na gwneud ymarferion
aerobig a bwyta diet synhwyrol. Fel y gwyddom yn sgil yr amryw o
straeon brawychus a glywyd yn ddiweddar am glefyd y gwartheg
gwallgof (CJD), gwenwyn salmonela ac achosion tebyg, waeth pa mor
ofalus y byddwn, ni allwn reoli popeth sydd yn mynd i mewn i'n
hystumog. Bydd swyddogion technegol a chanddynt friff arbennig
rheolaeth bwyd yn darparu cymorth arbenigol mewn tîm sydd yn
uniongyrchol atebol i brif swyddog. Nod y tîm yw cynnal, gwella a
hyrwyddo amodau iach a diogel drwy'r holl ardal leol ar gyfer byw,
gweithio a masnachu. Mae hyn yn cynnwys helpu i addysgu'r gymuned
am hylendid a diogelwch bwyd a chynnal arolygiadau i ganfod
clefydau heintus. Bydd swyddogion yn helpu gydag arolygiadau,
cwynion, samplu, casglu tystiolaeth a datganiadau gan dystion i'w
defnyddio ar gyfer achosion gorfodi ffurfiol ac anffurfiol yn y
llysoedd. Er hynny, mae eu rôl yn gadarnhaol a'r swydd yn talu ar
ei chanfed. Bydd llawer o'u cleientiaid yn croesawu'r gefnogaeth
a'r elfen o ddiogelwch y gall swyddogion eu cynnig.
Amgylchedd Gwaith
Mae amgylcheddau gwaith swyddogion technegol yn cynnwys siopau,
tafarndai, bwytai, gwestai a ffatrïoedd - yn wir, unrhyw fusnes
bwyd. Mae hynny'n golygu bod angen teithio rhywfaint o fewn yr
ardal leol. Weithiau gall yr amodau fod yn anodd a'r amgylchedd yn
fudr ac yn llawn plâu. Ond unwaith eto, mae'n bosib nad mynd ar
drywydd problem, ond yn hytrach helpu i'w hateb, y bydd swyddogion
wrth ymweld. Efallai hefyd y bydd angen gweithio oriau
anghymdeithasol, er na cheir unrhyw shifftiau ar yr amserlen.
Gweithgareddau Dyddiol
Bob dydd, bydd angen cynnal arolygiadau diogelwch bwyd, ymchwilio
i gwynion a chymryd samplau, gan roi cefnogaeth fanwl a
thechnegol i'r gwasanaeth. Mae hyn yn golygu ymweld â busnesau sydd
wedi'u cynnwys yn y categori lle ceir risg yn ôl y meini prawf a
osodwyd yn y Cod Ymarfer Cyfraith Bwyd, ac archwilio, monitro a
gwerthuso peryglon. Gwneir hyn er mwyn sicrhau bod perchnogion wedi
nodi agweddau sy'n hollbwysig ar gyfer sicrhau diogelwch bwyd, a'r
anghenion priodol o ran hyfforddiant i'r staff. Cymerir samplau er
mwyn canfod a oes risg sylweddol bod bwyd wedi'i halogi gan e.coli,
botwliaeth neu fath arall o facteria. Ar gyfer hyn, mae'n rhaid bod
yn hyddysg mewn deddfwriaeth gyfredol.
O dro i dro, bydd swyddogion yn rhan o dîm prosiect sy'n
gweithio i godi ymwybyddiaeth o faterion diogelwch bwyd drwy
seminarau, "Wythnosau Diogelwch Bwyd', deunyddiau darllen a
chyrsiau hyfforddi. Dyma agwedd ar waith tîm iechyd yr amgylchedd
sydd yn rhoi boddhad mawr, lle bydd y tîm yn teimlo ei fod yn
gwneud gwahaniaeth yn y gymuned yng nghyswllt maeth a diogelwch
bwyd. Felly, mae'n rhaid gweithio at derfynau amser, er enghraifft
cyrraedd y labordy gyda samplau mewn pryd. Gan amlaf, fodd bynnag,
bydd swyddogion technegol yn gweithio'n unol ag amserlen sydd yn
seiliedig ar anghenion y tîm a'r unigolyn. Rhan o'r gwaith hwn fydd
cysylltu ag amrywiaeth o asiantaethau allanol fel Adran yr
Amgylchedd, Bwyd a Materion Gwledig (DEFRA) a'r Adran Iechyd, a
chysylltu â'r cyhoedd a pherchnogion busnesau.
Sgiliau a Diddordebau
Er mwyn cyflawni'r swydd hon yn dda, byddai angen i chi:
- allu trin cyfrifiadur;
- bod yn agored ac yn hyblyg;
- bod yn barod i weithredu mewn argyfwng;
- gallu trin ffigurau'n dda;
- bod yn hyderus.
Byddai angen i chi hefyd:
- feddu ar sgìl ymarferol a sgìl technegol/gwyddonol
penodol;
- rhoi sylw i fanylion;
- bod o natur ofalgar;
- gallu cyd-dynnu â phobl o wahanol gefndiroedd;
- meddu ar sgiliau cyfathrebu da yn gyffredinol.
Gofynion Mynediad
BTEC Iechyd yr Amgylchedd neu Dystysgrif Arolygu Eiddo Bwyd.
Bydd profiad perthnasol blaenorol yn ddefnyddiol iawn, ee gwaith
mewn labordy, yn y busnes bwyd ei hun, ee gyda chwmni cynhyrchu
cig, neu fel Technolegydd Bwyd. Ar lefel Swyddog Technegol
mae derbyn hyfforddiant yn y gwaith er mwyn ennill Tystysgrif
Arolygu Eiddo Bwyd yn ofyniad hanfodol, ond gall parhau i dderbyn
datblygiad proffesiynol parhaus drwy'r Sefydliad Gwyddor a
Thechnoleg Bwyd fod yn ddefnyddiol.
Rhagolygon a chyfleoedd i'r dyfodol
Bydd y tebygolrwydd o gael dyrchafiad yn dibynnu a yw swyddog yn
dymuno hyfforddi i fod yn Swyddog Iechyd yr Amgylchedd (EHO) gan
nad oes amrywiaeth eang iawn o gyfleoedd i'w cael. Bydd y cyflog
a'r rhagolygon yn amrywio rhwng y naill awdurdod a'r llall. Fodd
bynnag, ceir cyfleoedd yn y diwydiant bwyd y tu allan i awdurdodau
lleol - fel Archwilwyr, Ymgynghorwyr a Thechnolegwyr Bwyd er
enghraifft.
Swyddi Cysylltiedig
Dilynwch y ddolen hon er mwyn gweld rhestr o swyddi cysylltiedig
yn Amddiffyn Eich Cymuned. Fel arall, dilynwch y ddolen hon i
weld yr holl broffiliau gyrfa sydd yn yr un maes swyddi.
Gwybodaeth a Gwasanaethau Pellach
Cyfnodolyn The New Scientist www.newscientist.com
Amgylcheddol Genedlaethol Cymdeithas Iechyd www.neha.org
Sefydliad Gwyddor a Thechnoleg Bwyd www.ifst.org
Mae modd cael rhagor o wybodaeth am y maes hwn trwy wefan
Gyrfaoedd Cymru (www.careerswales.com/), y
llyfrgell leol, swyddfa gyrfaoedd eich bro neu lyfrgell eich
ysgol.
Mae Gyrfa Cymru wedi cynhyrchu Sbotolau erthygl ar yrfaoedd mewn
STEM (gwyddoniaeth, technoleg, peirianneg a mathemateg): https://www.careerswales.com/cy/golwg-ar-stem/ ac
mewn bwyd a ffermio: https://www.careerswales.com/cy/golwg-ar-fwyd-a-ffermio/