Croeso

Cyflwyniad
Mae Cynghorau'n gweithio mewn partneriaeth ag asiantaethau allanol i ariannu rhai mentrau.  Y person sy'n gyfrifol am ganfod lle mae'n bosibl cael arian, sicrhau eu hymrwymiad a chynghori pobl eraill yw'r swyddog ariannu allanol.

Amgylchedd Waith
Mae swyddogion ariannu allanol yn gweithio mewn swyddfeydd yn bennaf ond hefyd yn mynychu cyfarfodydd mewn gwahanol fannau y tu allan i'r cyngor.

Gweithgareddau Pob Dydd
Mae swyddogion ariannu allanol yn datblygu ceisiadau am arian gan sefydliadau allanol, megis adrannau'r Llywodraeth neu'r Undeb Ewropeaidd.  Maen nhw'n paratoi gwybodaeth gyfoes ar ffynonellau arian ac adnoddau eraill - a sut i'w cael - mewn da bryd i'r cyngor ffurfio ei geisiadau a datblygu bidiau am arian.  Gallai prif gyfrifoldebau swyddog ariannu allanol gynnwys:

• ymchwilio i ffynonellau posibl o arian gan sefydliadau ariannu allanol a mynychu cyfarfodydd gyda phartïon â diddordeb; 
• datblygu prosiectau a allai fod yn addas ar gyfer eu hariannu; 
• casglu gwybodaeth berthnasol - megis amcanion, meini prawf, terfynau amser - a'u cyflwyno i bwyllgorau perthnasol y cyngor; 
• datblygu partneriaethau rhwng gwahanol sectorau er mwyn cael arian ar gyfer mentrau aml asiantaeth;
• cydlynu'n rheolaidd â gwahanol adrannau a sefydliadau gan gynnwys:  adrannau eraill y cyngor, Swyddfa Ranbarthol y Llywodraeth, sefydliadu gwirfoddol yn gweithio mewn partneriaeth gyda'r cyngor, cynrychiolwyr yr Undeb Ewropeaidd, Swyddfa Cyllid Ewropeaidd Cymru, Llywodraeth Cymru ac Arolygaeth Wledig Cymru ayb;  
• cadw a diweddaru basdata cynhwysfawr o holl gysylltiadau a phartneriaid allanol sy'n berthnasol i ariannu allanol. 
• cynghori staff a phartneriaid y cyngor sy'n chwilio am arian ynghylch pethau megis sut i gyflwyno bidiau; 
• sefydlu rhedeg y broses ceisiadau arian cyfatebol; 
• monitro cynnydd ceisiadau ac ysgrifennu adroddiadau.

Sgiliau a Diddordebau
Mae'n rhaid i swyddogion ariannu allanol fod yn:

• gyfathrebwyr gwych gyda sgiliau trafod da, 
• gallu rhoi cyflwyniadau a pharatoi adroddiadau da
• drefnwyr da sy'n gallu cynllunio a blaenoriaethu eu gwaith i gyfarfod â therfynau amser, 
• yn gallu gweithio'n dda o dan bwysau
• deall cyfrifiaduron
• yn gallu dehongli a chyflwyno dadansoddiadau ystadegol, 
• yn gallu meddwl yn ochrol ac yn arloesol, 
• yn gallu gweithio ar eu liwt eu hunain.

Gofynion Mynediad i'r Swydd
Mae'n rhaid i'r rhan fwyaf o swyddogion ariannu allanol fod â phrofiad o gyflwyno ceisiadau am arian allanol ac efallai y bydd angen gwybodaeth o wahanol brosesau bidio am arian.  Mae'n debyg y bydd yn rhaid i chi fod â gradd neu gyfwerth mewn disgyblaeth gyda chysylltiadau ariannol cryf ac mae'n debyg hefyd y byddwch angen cymhwyster ariannol proffesiynol, er enghraifft o Sefydliad Siartredig Cyllid Cyhoeddus a Chyfrifyddiaeth (CIPFA).   Mae yna hefyd swyddi dechrau gyfra yn y maes hwn megis Swyddog Hawliadau sydd angen NVQ Lefel 3 / 4 mewn disgyblaeth berthnasol.

Rhagolygon a chyfleoedd ar gyfer y dyfodol
Efallai y bydd yna gyfle i gael dyrchafiad i swyddi ariannol a rheolaethol uwch mewn cyfrifeg, archwilio neu fonitro cyllidebau yn y cyngor.  Efallai hefyd y bydd yna gyfle i gael profiad o feysydd eraill mewn llywodraeth leol, megis datblygu ac adfywio economaidd.

Gwybodaeth a Gwasanaethau Pellach
Sefydliad Datblygu Economaidd www.ied.co.uk
Sefydliad Siartredig Cyllid a Chyfrifeg Cyhoeddus www.cipfa.org.uk

Mae modd cael rhagor o wybodaeth am y maes hwn trwy wefan Gyrfaoedd Cymru (www.careerswales.com/) y llyfrgell leol, swyddfa gyrfaoedd eich bro neu lyfrgell eich ysgol.