Cyflwyniad
Mae rheolwyr gweinyddu'n helpu i roi gwasanaethau cynorthwyol
hyblyg ac ymatebol gan ofalu bod sustemau ar gyfer amrywiaeth
helaeth o wasanaethau mewn meysydd megis gofal cymdeithasol, tai,
cynllunio a chyllid. Gall dyletswyddau gynnwys rheoli
cyllidebau, rheoli rhestrau gweithio cymhleth, rheoli gwasanaethau
i glientiaid, cadw cofnodion, casglu/dadansoddi data, paratoi
ystadegau a rhoi adroddiadau am waith.
Amgylchiadau'r gwaith
Mewn swyddfa y byddwch chi'n gweithio fel arfer, er y bydd modd
gweithio ymhlith amryw broffesiynolion megis gweithwyr
cymdeithasol, hefyd. 37 awr yw'r wythnos safonol i weithwyr
amser llawn.
Gweithgareddau beunyddiol
Bydd y dyletswyddau'n amrywio yn ôl y gwasanaeth. Dyma rai
nodweddiadol:
- Trefnu a goruchwylio sustemau gweinyddu gwasanaethau.
- Helpu i gynllunio, datblygu a monitro gwasanaethau.
- Rheoli staff cynorthwyol gan gynnwys cydlynu a dirprwyo
gweithgareddau.
- Cynllunio, datblygu, llunio, trefnu a monitro sustemau,
gweithdrefnau a pholisïau i wella gwasanaethau'n barhaus.
- Ysgwyddo cyfrifoldebau rheolwr staff lle bo'n briodol.
- Ymgynghori â'r rhai sy'n defnyddio gwasanaethau i ddeall eu
hanghenion a'u hoffterau, gan eu cymryd i ystyriaeth wrth gynllunio
ar gyfer gwasanaethau.
- Gofalu bod cofnodion yn cael eu cadw.
- Datblygu a chynnal sustemau ar gyfer cofnodion a
gwybodaeth.
- Dadansoddi a gwerthuso data'n fanwl a pharatoi gwybodaeth ac
adroddiadau manwl yn ôl yr angen.
- Pennu blaenoriaethau ac amcanion staff clercaidd a
gweinyddol.
- Trin a thrafod gohebiaeth gymhleth.
- Rhoi cymorth ar gyfer cyfarfodydd gan gynnwys eu mynychu, eu
hwyluso a'u cofnodi.
- Rheoli gweithdrefnau gweinyddu cymhleth.
- Llenwi ffurflenni cymhleth a'u cyflwyno nhw i gyrff allanol
megis Llywodraeth Cymru.
- Rheoli trefniadau gweinyddu sustemau technoleg gwybodaeth.
- Dewis a rheoli adnoddau gan gynnwys rheoli cyllideb ac
archwilio adnoddau'n fynych.
- Rheoli cytundebau ar gyfer gwasanaethau a chytundebau lefel
gwasanaeth.
- Rheoli cyfleusterau gan gynnwys adeiladau.
- Cynllunio, monitro a gwerthuso cyllidebau.
Medrau a diddordebau
- Medrau rheoli prosiectau.
- Medrau da ym maes technoleg gwybodaeth a chyfathrebu.
- Medrau rhagorol ynglŷn â thrin a thrafod pobl.
- Gallu cyfathrebu'n effeithiol ar lafar ac ar bapur fel ei
gilydd.
- Cynllunio, amseru a threfnu gweithgareddau i gyflawni
amcanion.
- Meithrin perthynas dda â chydweithwyr a staff eraill.
- Dadansoddi data a nodi materion allweddol.
- Datrys problemau a sefyllfaoedd syml a chymhleth.
- Gallu rheoli cyllidebau mawr a chymhleth.
- Gallu arwain a rheoli staff i roi gwasanaethau o safon.
Meini prawf derbyn
Gallai fod angen cymwysterau megis Cymhwyster Galwedigaethol
Cenedlaethol (lefel 3) ym maes busnes a gweinyddu, Uwch
Dystysgrif/Ddiploma Genedlaethol ym maes busnes, tystysgrifau
proffesiynol megis CIMA, AAT a CPP, Cymhwyster Galwedigaethol
Cenedlaethol (lefel 3) ym maes caffael a Thrwydded Defnyddio
Cyfrifiaduron Ewrop.
Gobeithion a chyfleoedd yn y dyfodol
Mae amrywiaeth helaeth o gyfleoedd yn adrannau'r awdurdodau
lleol. Ar ôl cael rhagor o gymwysterau a phrofiad ynglŷn â
gweinyddu, arwain/rheoli timau a rheoli sustemau cymhleth, mae modd
cael dyrchafiad ar y trywydd at swyddi uwch megis pennaeth
gwasanaethau gweinyddu.
Rhagor o wybodaeth a gwasanaethau
Sefydliad Breiniol Personél a Datblygu: www.cipd.co.uk
Sefydliad Breiniol Rheoli: www.managers.org.uk
Sefydliad Rheoli Gweinyddol: www.instam.org
Skills CFA: www.cfa.uk.com
Cewch chi ragor o wybodaeth am y maes hwn trwy gysylltu â
Gyrfaoedd Cymru (www.careerswales.com/), y
llyfrgell gyhoeddus, swyddfa'r gyrfaoedd neu lyfrgell gyrfaoedd
eich ysgol.